Qostanaıda kóbik keshindegi bala ólimi boıynsha úkim shyqty

QOSTANAI. KAZINFORM – Qostanaı oblysynyń Uzynkól aýdandyq soty Uzynkól aýdany ákimdiginiń «Jastar resýrstyq ortalyǵy» basshysynyń mindetterin ýaqytsha atqarýshyǵa qatysty qylmystyq isti qarady. Ol shartty túrde bas bostandyǵynan aıyrý jazasyna kesildi.

Eske sala ketsek, qaıǵyly oqıǵa 2023 jyldyń tamyz aıynda bolǵan. «25 tamyz kúni Uzynkól kentinde Jastar kúnine oraı kóbik keshi ótti, onda 9 jasar qyzdy toq soqty.   

Eki aptadan astam ýaqyt ótkende toq soqqan kishkentaı qyzdyń qaıtys bolǵany habarlandy. 

Sot protsesi Qylmystyq kodekstiń 306-baby 3-bóligi (qaýipsizdik talaptaryna saı kelmeıtin, abaısyzda adam ólimine ákep soqqan taýarlardy shyǵarý nemese satý, jumysty oryndaý nemese qyzmet kórsetý) boıynsha saralanǵan. 

Іs materıaldary boıynsha, sottalýshy áıeldiń sonyń ishinde jas kórermenderge arnalǵan sharany uıymdastyra otyryp, onyń qaýipsizdigin tıisti túrde qamtamasyz etpegeni belgili boldy.

Shara kezinde sahnada ornalasqan kóbik generatory iske qosyldy, biraq sahnanyń toqótkizgish bóligi ashyq qalyp, kerneýli bolǵan.

Sot aıyptalýshyǵa Qylmystyq kodekstiń 63-baby boıynsha shartty túrde 4 jylǵa bas bostandyǵynan aıyrý jazasyn belgiledi. 

Úkim zańdy kúshine engen joq.