Qostanaıda kishkentaı qyz bala 4 qabattan qulap ketti
QOSTANAI. QazAqparat - Qostanaı qalasynda 4 qabattan bir jarym jasar qyz bala qulap ketti. Bul týraly oblystyq Densaýlyq saqtaý basqarmasy málim etti, dep habarlaıdy QazAqparat.
Basqarmanyń málimetinshe, taıaýda ǵana dárigerler qaýymy ata-analar nazaryn «kata jaraqat (bıikten qulaý)» máselesine aýdaryp, «Qaýipsiz balalyq shaq» aktsııasyn qolǵa alǵan bolatyn.
«Búgin taǵy da bir oqys oqıǵa boldy. Túski saǵat 13-ter shamasynda 2017 jylǵy qyz bala (1,5 jasta) Qobylandy batyr kóshesindegi 44 úıdiń tórtinshi qabatyndaǵy terezeden qulap ketti. Sábıdi jedel járdem oblystyq aýrýhanaǵa jetkizdi», - delingen habarlamada.
Qazir balanyń jaǵdaıy óte aýyr, ol jansaqtaý bóliminde jatyr.
Avtory Janna Naqypova
