Qostanaıda KІA zaýytyn salý josparlanyp otyr

QOSTANAI. QazAqparat – Qostanaıda jergilikti bılik pen KІA korporatsııasynyń qoldaýymen KІA avtokólikterin shyǵaratyn zaýyt salý josparlandy. Bul týraly KІA zaýytynyń bas dırektory Kım Dekı ınvestıtsııalyq forým barysynda málim etti, dep habarlaıdy QazAqparat tilshisi.

KІA zaýytynyń bas dırektory Kım Dekı kompanııanyń Eýropa men Azııa arasyndaǵy strategııalyq mańyzdy kópiri sanalatyn Qazaqstanmen tyǵyz yntymaqtastyq jónindegi nıetin aıtty.

Osy brendtegi alǵashqy zaýytty Qazaqstanda salý týraly sheshim osy jerden paıda boldy.

Qurylysy josparlanǵan zaýytta koreı markaly avtokólikterdi shyǵarýdyń tolyq tsıklin iske qosý josparlanyp otyr.

Kım Dektiń aıtýynsha, jobany júzege asyrýǵa shamamen 200 mıllıon dollar bólinedi, onyń 120 mıllıon dollary qural-jabdyq satyp alýǵa, qalǵan 80 mıllıon dollary zaýyttyń ózin salýǵa jumsalady.

«Alǵashqy qurylys jumystary bıyl kúzde bastalady, al 2024 jyldyń tamyzynda qurylǵylardy ornatý jumystary júredi. 2025 jyldyń maýsymyna deıin korporatsııa tolyq óndiristik tsıkldi iske qosýdy josparlap otyr», - dedi Kım Dekı.

Investorlar men jergilikti bılik ókilderiniń oıynsha zaýyttyń iske qosylýy óńirdiń ekonomıkalyq damýyna oń áserin tıgizedi.