Qostanaıda «Keıki batyr» qoıylymynyń tusaýkeseri bolady
ASTANA. 11 mamyr. QazAqparat - Qostanaıdaǵy tuńǵysh qazaq teatrynda «Keıki batyr» qoıylymynyń tusaýkeseri bolady. «Keıki batyr» spektakliniń avtory Halyqaralyq «Alash» ádebı syılyǵynyń laýreaty, QR eńbek sińirgen qaıratkeri Serik Turǵynbekuly.
Qazaq tarıhyndaǵy dara tulǵalardyń biri bolǵan Keıki batyrdyń rólin QR eńbek sińirgen qaıratkeri Qonysbek Begaıdarov jáne QR mádenıet qaıratkeri Aıbol Shákirjanovtar somdaıdy.
Qoıylymda QR mádenıet qaıratkeri Zámzágúl Begaıdarova, QR mádenıet qaıratkeri Qabdol-Májıt Imanov, Myqtybaı Jylybaev jáne basqa da tanymal sahna juldyzdary óner kórsetedi.
Spektakldiń rejısseri, teatrdyń kórkemdik jetekshisi, QR halyq ártisi - Ersaıyn Tóleýbaı.
Keıki batyr týraly: 1916 jyly Torǵaı qazaqtarynyń kóterilisi tarıhta eleýli oryn aldy. Álibı Jagenldın, Amangeldi Imanovtarmen birge tize qosyp el táýelsizdigi jolynda kúreskenderdiń biri - Keıki batyr Kókenbaıuly. Pesada batyrdyń qııan-keski oqıǵalarǵa toly ómir joly aıtylady. Qoıylym óz tarıhyn endi ǵana shynaıy qalpynda tanyp kele jatqan jas urpaq úshin olardyń ulttyq, otansúıgishtik sezimin oıatýǵa úlken áseri bar.
