Qostanaıda keneden zardap shekkender sany kóbeıdi
QOSTANAI. QazAqparat - Mamyr aıy bastalǵaly beri kene shaqqan 13 adam oblystyq emhana dárigerleriniń kómegine júgingen, dep habarlaıdy QazAqparat tilshisi.
«Mamyr aıynda 13 balany kene shaǵyp aldy. Olardyń barlyǵyna dárigerlik kómek kómek kórsetildi. Sondaı-aq ınfektsııalyq aýrýlar dárigerleriniń qaraýynan qosymsha ótti. Kópshilik jaǵdaıda kene shashtyń arasynda, moıyn san tustarynda jıi kezdesip jatady»,-dedi Qostanaı oblysy balalar emhanasynyń bas dárigeriniń mindetin atqarýshy Olga Son.
Qostanaı qalalyq emhanasyna sáýir aıynda kene shaqqan 37 adam kómek surap kelgen. Keneden zardap shekken jaǵdaılardyń jıilenýine baılanysty mamandar tabıǵat aıasyndaǵy demalysta keneden barynsha saq bolýǵa, saqtyq áreketterin jasaýǵa shaqyryp otyr.
«Eger kene shaǵyp alsa birden dárigerlerdiń kómegine júginip, ózdigimen emdeýge áreket jasamaý kerek. Sondaı-aq kene shaǵyp alǵan oryndarǵa dárigerlerdiń nusqaýynsyz túrli dárilik maılardy jaǵýǵa ruqsat etilmeıdi»,- dep atap ótti Son.
