Qostanaıda qazaqtyń tuńǵysh músinshisine eskertkish qoıylady
QOSTANAI. QazAqparat - Qostanaı qalasynyń ortalyǵynda músinshi Hákimjan Naýryzbaevqa eskertkish ornatylady, dep habarlaıdy QazAqparat.
«Oblys ortalyǵynyń 140 jyldyǵyna oraı Pýshkın-Altynsarın kósheleriniń qıylysynda sáýlet óneriniń tarıhı eskertkishteri bolyp tabylatyn eki ǵımarattyń arasynda birinshi músinshi-qazaq Naýryzbaev Hákimjanǵa eskertkish ornatý týraly sheshim qabyldandy», - dep jazdy Qostanaı qalasynyń ákimi Qaırat Ahmetov Instagram paraqshasyna.
Búgin qala ákimdiginiń kóshpeli keńesi barysynda, atalǵan aýmaqty abattandyrý «Taza Jol» JShS merdigerlik uıymyna júkteldi. Bul eskertkish demeýshilik qarajat esebinen ornatylady jáne qala kúnine oraı tanystyrylmaq.⠀
