Qostanaıda kásiporyn basshysy jumysshynyń qaza tapqany úshin sottalady
QOSTANAI. QazAqparat - Qostanaıdaǵy №2 sotyna qaýipsizdik tehnıkasyn buzdy dep aıyptalǵan JShS dırektoryna qatysty qylmystyq is tústi, dep habarlaıdy QazAqparat tilshisi oblystyq sottyń baspasóz qyzmetine silteme jasap.
«Gaz qubyry úshin transheıa qazý kezinde jer opyrylǵan. Sol kezde transheıanyń tóńireginde JShS-nyń jumysshysy - slesar-montajdaýshy bolǵan. 21 jastaǵy jigit topyraqtyń astynda qalyp qoıǵan. Ol oqıǵa ornynda qaza tapty. Aıyptalýshy qurylys nysanyndaǵy jumys óndirisin durys uıymdastyrmaǵan, arnaıy normalar men eńbekti qorǵaý erejelerin buzǵan», - dep túsindirdi sot ókilderi.
Basty sot isi 26 shildege taǵaıyndalǵan.
Eske salaıyq, Qostanaıda soltústik-batys aýdanynda «ıÝbıleınyı» turǵyn úı keshininiń tóńireginen transheıadan (gaz qubyryn salý úshin) er adamnyń denesi tabylǵan. 21 jastaǵy jigit gaz qubyryn tartý boıynsha jergilikti JShS-da jumys istegen.
