Qostanaıda kásipkerden aqsha bopsalady degen kúdikpen polıtseı ustaldy
QOSTANAI. QazAqparat - Qostanaıda kásipkerdi qorqytyp, aqsha talap etken 25 jastaǵy polıtseı qamaýǵa alyndy, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Oqıǵa 3 qarasha kúni Qostanaı qalasynda bolǵan.
«Jedel-iz kesý sharalary barysynda oblystyq polıtsııa departamentiniń qyzmetkerleri Qostanaı qalasy jol-patrýldik polıtsııasynyń 25 jastaǵy ınspektoryn ustady. Buǵan deıin kásipker áıel polıtseıdiń aqsha bopsalaǵanyn aıtyp, aryz jazǵan bolatyn», - dedi oblystyq polıtsııa departamentiniń ishki qaýipsizdik basqarmasynyń bastyǵy Altynbek Súıinshiálıev jýrnalıstermen ótken brıfıngte.
Atalǵan fakt boıynsha QR qylmystyq-protsestik kodeksiniń 128-baby boıynsha sotqa deıingi tergeý sharalary bastaldy. Kúdikti ýaqytsha ustaý oqshaýlaǵyshyna qamaldy.
Osyǵan deıin Qostanaıdaǵy túngi klýbtardyń birine bomba qoıylǵany týraly habarlaǵanbyz.
