Qostanaıda káriz qudyǵyn teksermek bolǵan qyzmetkerler ýlanyp qaldy
ASTANA. KAZINFORM — Oqys oqıǵa Qostanaı oblysy Qarabalyq kentinde bolǵan, dep habarlaıdy TJM baspasóz qyzmeti.
Abyroı bolǵanda der kezinde jetken TJM qyzmetkerleri eki adamdy qutqaryp qaldy.
— Qostanaı oblysy Qarabalyq kentinde eki er adam káriz júıesin tazalaý kezinde septıkke túsip, ýly gazdardyń áserinen ózderin nashar sezingen. Oqıǵa ornyna dereý qutqarýshylar jiberildi. Jaǵdaı shuǵyl jáne úılestirilgen is-qımyldardy talap etti. Qutqarýshylar baspaldaqty paıdalana otyryp, jumysshylardy qudyqtan shyǵardy. Olar medıtsınalyq qyzmetkerlerine tapsyryldy, — delingen habarlamada.
Buǵan deıin habarlanǵandaı, Pavlodarda káriz qudyǵyna túsken 4 jumysker belgisiz gazdan ýlanyp qaldy.
