Qostanaıda káriz qubyry jarylyp, saıajaı ýchaskeleri sý astynda qaldy

ASTANA. KAZINFORM — Qostanaıda qysymmen jumys isteıtin káriz kollektorynyń qubyry jarylyp, mańaıdaǵy aýmaqtar, sonyń ishinde «Energetık» saıajaı ýchaskeleri sý astynda qaldy, dep habarlaıdy Kazinform tilshisi.

Qala ákimdiginiń málimetinshe, saǵat 19:38-de Qostanaı qalasyndaǵy Basty káriz sorǵy stantsııasy (BKSS) aýmaǵynda qysymmen jumys isteıtin káriz kollektorynyń ortańǵy jelisinde jarylys bolǵan. Sonyń saldarynan stantsııanyń óndiristik alańy men oǵan irgeles aýmaqtar, sonyń ishinde «Energetık» saıajaı qoǵamynyń ýchaskeleri sýǵa ketken.

Jergilikti BAQ oqıǵa ornynan beınematerıaldar jarııalady.

Posmotret etý pýblıkatsııý v Instagram

Pýblıkatsııa ot Nasha Gazeta | Novostı | Kostanaı (@ng.kz_)

Apat ornyna «Qostanaı Sý» mamandary baryp, jaǵdaıdy baqylaýǵa aldy. Apat saldaryn joıý úshin kollektordyń negizgi toraptaryndaǵy japqyshtar jabylyp, júıedegi qysymdy azaıtý maqsatynda apatty sý aǵyzý arnasy ashylǵan. Sonymen qatar drenajdyq sorǵylar iske qosyldy.

Qazirgi ýaqytta jarylǵan tustan aǵyndy sý kelýi toqtatylǵan, sý basqan aýmaq tolyqtaı oqshaýlandy. Mamandar sýdy apatty rezervýarǵa aıdap, tazalaý jáne qurǵatý jumystaryn júrgizip jatyr.

Apat saldaryn joıý jedel jóndeý brıgadalarynyń kúshimen jalǵasyp keledi.

Vedomstvo ókilderiniń aıtýynsha, qala turǵyndaryna qaýip joq, sondaı-aq sý burý júıesiniń jumysyna eleýli áser etetin qaýipsizdik qateri tirkelmegen.

Budan buryn Qostanaı oblysynda dızel otyny quıylǵan rezervýar órtengeni belgili boldy.