Qostanaıda qarýly reseılikter balanyń uıaly telefonyn tartyp alǵan – feık

ASTANA. QazAqparat – «Qostanaıda Reseıden kelgen tórt qarýly adam balanyń uıaly telefonyn tartyp alǵan». WhatsApp messendjerinde osyndaı aqparat tarady. Bul – jalǵan, dep habarlaıdy QazAqparat stopfake.kz saıtyna silteme jasap.

Bul aqparatty Qostanaı oblysynyń polıtsııa departamenti joqqa shyǵardy.

«Bul aqparat – feık. Oblysta jedel jáne kóshi-qon jaǵdaıy turaqty. Atalǵan «fakti» boıynsha polıtsııaǵa aryz-shaǵym túsken joq. Sonymen qatar, sońǵy kúnderi kóshi-qon aǵymynyń artýy aımaqtaǵy krımınogendik jaǵdaıǵa áser etken joq. Oblystyq polıtsııa shtattyq rejımde jumys istep jatyr», - dep habarlady vedomstvonyń baspasóz qyzmeti.

Aqparattyń anyq-qanyǵyn tekserýshiler áleýmettik jeliler men messendjerlerdegi arandatýshylyqqa boı aldyrmaýǵa jáne tek resmı aqparatqa ǵana senýge shaqyrady.