Qostanaıda qart áıel soqqyǵa jyǵylyp, qaıtys boldy
23 qarashada Qostanaı qalasyndaǵy aýrýhanaǵa 85 jastaǵy qart áıel qabyrǵa asty aımaǵynyń kógerýi jáne keýde qýysynyń kontýzııasy dıagnozymen tústi. Onyń soqqyǵa jyǵylǵanyn Qostanaı oblysynyń Polıtsııa departamenti rastady, dep habarlaıdy Kazinform.
Áıel ózin soqqyǵa jyqqanyn aıtqan. Polıtseıler oǵan dene jaraqatyn salǵan adamdy anyqtady. Atalǵan fakti boıynsha QR Qylmystyq kodeksiniń 293-baby «Buzaqylyq» boıynsha sotqa deıingi tergeý bastaldy.
Áıeldiń 1 jeltoqsanda qaıtys bolǵany belgili boldy. Saraptama ólim sebebin anyqtady: jedel ókpelik júrek jetkiliksizdigi, júrektiń sozylmaly ıshemııalyq aýrýy, kardıomıopatııa. Biraq tekserý kezinde zeınetkerdiń qabyrǵasy synǵany rastaldy.
«Osyǵan baılanysty sotqa deıingi tergep-tekserý baptyń 2-bóliginiń 5-tarmaǵyna ózgertildi. Qazaqstan Respýblıkasy Qylmystyq kodeksiniń 107-baby «Buzaqylyq nıetpen densaýlyqqa qasaqana aýyrlyǵy ortasha zııan keltirý» boıynsha qylmystyq is qozǵaldy», - dedi polıtsııadan.
