Qostanaıda karantın sharalary týraly jańa qaýly: Sottalǵandardy PTR-dan ótkizý qamtamasyz etiledi

KOSTANAI. QazAqparat – Qostanaı oblysynyń bas sanıtarlyq dárigeri Ermuhanbet Dáýletbaev óńirde karantın sharalary týraly jańa qaýlyǵa qol qoıdy, dep habarlaıdy QazAqparat.

Qostanaı oblysynda oblys turǵyndary arasynda koronavırýs ınfektsııasynyń taralýyn boldyrmas úshin qosymsha sharalar qabyldanýda.

«QAÝLY ETEMІN: epıdemıologııalyq kórsetkishter boıynsha PTR ádisimen COVID-19-ǵa tekserýmen qamtý qamtamasyz etilsin:

1) QAJ mekemelerine túsetin adamdar (tergeýge alynǵandar, aıyptalýshylar, sottalǵandar);

2) bıomaterıaldyń synamalaryn alýdy epıdemııaǵa qarsy rejım jáne JQQ paıdalaný talaptaryn saqtaı otyryp, QAJ jáne ІІD mekemeleriniń medıtsına qyzmetkerleri júzege asyrady;

3) aýmaqtyq sanıtarııalyq-epıdemıologııalyq baqylaý basqarmalarynyń jaýapty mamany iriktelgen materıaldy tirkeýdi júzege asyrady, patsıenttiń barlyq derekterin elektrondyq joldamaǵa, USO aqparattyq júıesine toltyryp, mamannyń jeke kabınetinen tıisti zerthanaǵa jiberedi» delingen habarlamada.

Qaýlynyń tolyq mátinimen myna jerde tanysýǵa bolady.

Eske sala keteıik, buǵan deıin Qostanaı oblysynda karantın sharalary jeńildetiletini habarlanǵan bolatyn.