Qostanaıda karantın rejımin buzǵandar qashyp ketpek boldy
QOSTANAI. QazAqparat – Karantın rejımin baqylaıtyn monıtorıng toby oblys ortalyǵynda birqatar zańbuzýshylyqty anyqtady, dep habarlaıdy QazAqparat taýarlar men qyzmetterdiń sapasy men qaýipsizdigin baqylaý departamentine silteme jasap.
Polıtsııa men ákimdik qyzmetkerleri júrgizgen reıd barysynda «Shop Chop» kóńil kóterý ortalyǵynyń jumys istep turǵany belgili boldy. Ǵımarat kalıan shegýge kelgenderdi jasyryn esik arqyly kirgizip otyrǵan.
«Monıtorıng tobynyń músheleri ǵımaratqa kirgende kelýshiler qosymsha esik arqyly qashyp ketpek bolǵan. Alaıda olardy ýchaskelik polıtseı ustady. Sondaı-aq sanıtarlyq normalar men karantınniń buzylýy «Simpl Day» dámhanasynda anyqtaldy. Monıtorıng toby atalǵan mekemelerdiń ákimshilerimen kezdesip, eskertý habarlamasyn berdi. Karantın buzǵandarǵa ákimshilik jaza qoldanylyp, hattama toltyryldy», - deıdi taýarlar men qyzmetterdiń sapasy men qaýipsizdigin baqylaý departamentiniń baspasóz hatshysy Sáýle Manasqyzy.
Qostanaı oblysy bas sanıtar dárigeriniń qaýlysyna sáıkes, kóńil kóterý oryndary men dámhnalar tek qana «shyǵarý jáne jetkizý» qaǵıdatymen jumys isteıdi.
