Qostanaıda qar jaýyp, birqatar aýdan jaryqsyz qaldy

ASTANA. KAZINFORM — Qostanaıdyń úsh aýdany aýa raıynyń qolaısyzdyǵynan jaryqsyz qaldy.

Qostanaı qalasy ákimdiginiń baspasóz qyzmetiniń habarlaýynsha, ákimshilik ortalyqtyń úsh aýdany elektr qýatynsyz qaldy.

— Nazarbaev kóshesindegi 10 kV elektr jelisi isten shyqty, Karbyshev — Internatsıonalıst jaýyngerler kóshesi, sondaı-aq AvtoTsON mańynda elektr jelisi úzildi. Apattyq jelide alty brıgada jumys istep jatyr.

Ákimdik ázirge jaryqsyz qalǵan turǵyndardyń naqty sanyn aıta almaıdy.

Qostanaılyq kommýnaldyq qyzmetter kóshelerdegi synǵan aǵash butaqtaryn tazalaý jumystaryn júrgizip jatyr.

— Aýlalardy tazalaýǵa Páter ıeleriniń kooperatıvi men Menshik ıeleriniń birlestigi jaýapty. Zaqymdalǵan aǵashtardyń sany tazartý jumystary aıaqtalǵannan keıin anyqtalady, — dep qosty vedomstvo.

Aıta keteıik, búgin Qostanaı oblysynda alǵashqy qar jaýdy.