Qostanaıda qar músinder baıqaýy ótip jatyr
QOSTANAI. QazAqparat – Qostanaı oblystyq Qylmystyq atqarý júıesi departamentine qarasty mekemelerde qar músinder baıqaýy ótip jatyr, dep habarlaıdy QazAqparat.
Qys, kúnniń sýyǵyna qaramastan jyl mezgilderiniń eń bir ádemi kezderiniń biri. Qostanaı oblysynyń Qylmystyq atqarý júıesiniń mekemeleri jylda osy ýaqytta dástúrli túrde qar músinderiniń baıqaýyn ótkizedi. Atalmysh dástúr bıyl da jalǵasyn tapty. Baıqaýdyń birinshi kezeńi 2019 jyldyń 9-25 aralyǵynda ótti. Ekinshisi 2020 jyldyń 1-22 qańtary aralyǵynda ótedi.
Shyǵarmashylyq baıqaýǵa barlyq qajettilikterimen qamtamasyz etilgen sottalǵandar qatysty. Olardyń qardan jasaǵan músinderi negizinen Aıaz ata, Aqshaqar men 2020 jyldyń ıesi -tyshqan boldy.
Endi baıqaýǵa qatysýshylar baıqaýdyń ekinshi kezeńinen ótýi kerek. Osy kezeńde baıqaýdyń jeńimpazy da anyqtalady.
