Qostanaıda qar qursaýynda qalǵan adamdardy qutqarý jumysy jalǵasyp jatyr

QOSTANAI. QazAqparat - Qostanaı oblysynda qar qursaýynda qalǵan jolaýshylardy qutqarý jumysy jalǵasyp jatyr, dep habarlaıdy QazAqparat.

31 naýryz kúni saǵat 16:36-da TJD qutqarýshylary Vostochnoe aýylynyń turǵynyn Arqalyq qalasynyń aýrýhanasyna jetkizdi.

1974 jyly týǵan aýyl turǵyny medıtsınalyq kómekke muqtaj bolǵany anyqtaldy. Aýylǵa baratyn jol qarmen jabylǵan edi.

Alaıda qutqarýshylar «SKB-600» jol talǵamaıtyn kóligimen 33 shaqyrym qashyqtyqta ornalasqan eldimekenge jedel jetti.

31 naýryzda Arqalyq-Jalǵyztal tasjolynda qaladan 30 shaqyrym jerde jolaýshylary bar 6 avtokólik aýa raıynyń nasharlaýyna baılanysty jolda qalǵany belgili boldy.

Jolaýshylar qutqarýshylardan kómek surady.

Saǵat 18:15-te JQJ qyzmetkerleri ótimdiligi joǵary «SKB-600» tehnıkasymen oqıǵa ornyna keldi.

Eki saǵattan keıin 30 adam, onyń ishinde 10 bala Arqalyq qalasyna evakýatsııalandy.

Qutqarý operatsııasy nátıjesinde eshkim zardap shekken joq.