Qostanaıda qar qursaýynan 60 adam qutqaryldy
ASTANA. QazAqparat - Jeke adamdarǵa tıesili 25 «KamAZ» júk kóligi 9 qańtarda Qaraǵandy oblysyna kómir tasymaldaýǵa jolǵa shyǵyp oralmaǵan, dep habarlaıdy TJ komıtetiniń baspasóz qyzmeti.
«Sońǵy ret júrgizýshilerdiń týǵan-týystary olarmen Arqalyq qalasynan mańynda bolǵan kezde habarlasqan. Keıin habarlasý múmkin bolmaǵan. Olar Tótenshe jaǵdaılar departamentiniń kómegine 13 qańtarda ǵana júgindi», delingen habarlamada.
Qutqarýshylar tez arada izdeý-qutqarý jumystaryna kirisip, Arqalyq qalasyna barar jolǵa qar tazartý tehnıkasyn jetkizdi. Astana qalasynan Qaraǵandy oblysynyń Jezǵazǵan qalasyna tikushaq ushyp shyqty. Іzdeýge jumystaryna júrgizýshilerdiń biri Túr-Qazmarganets kenishinen 15 km jerge ıaǵnı, uıaly baılanys bar aımaqqa jetip habar bergeni septigin tıgizdi. Qar qursaýynda qalǵan júrgizýshilerge qutqarýshylar attandy.
Olar sol orynǵa 14 qańtardy tańǵy bes kezinde jetti. Qostanaılyq qutqarýshylar júk kólikterin qar qursaýynan eki saǵat ishinde shyǵardy. Qardyń astynda qalǵan 25 kóliktiń, tek 10-y keri úılerine - Qostanaı oblysyna attandy. Ózge júrgizýshiler, evakýatsııadan jazbasha bas tartyp kómir kenishine baǵyttaryn jalǵastyrdy.
