Qostanaıda qańtar aıynda temperatýra rekordy jańardy

ASTANA. KAZINFORM — Soltústik Atlantıka tsıklony áserinen qańtarda aýa temperatýrasy nólden joǵary boldy, dep habarlaıdy Kazinform menshikti tilshisi.

«Qazgıdromet» RMK Qostanaı fılıalynyń sınoptıgi Antonına Shıbarshına bıyl qańtardyń basy Qostanaıdaǵy absolıýtti maksımaldy temperatýra boıynsha 1982 jylǵy rekordty jańartqanyn baıandady. 

— Qalyptan tys jyly aýa massalary batystan kelip, sol bóligine áser etti. Qańtar aıynyń alǵashqy bes kúndigi Qostanaı úshin rekordty jańartty: mysaly, 3 qańtarda bizde aýa temperatýrasy 3,4 gradýs Tselsıı jylýdy kórsetti, al burynǵy kórsetkishter 1982 jyly 3,2 gradýs bolyp tirkelgen, — dedi Antonına Shıbarshına.

Baqylaý júrgizýdiń barlyq jyldarynda 2025 jyldyń qańtar aıynyń basy eń jyly boldy.

— Bul maýsymda qańtar aıy negizinen turaqsyz bolady. Jaýyn-shashyn mol túsip, «temperatýranyń aýytqýy» boljanyp otyr. Temperatýranyń 7-10 qańtarda tómendeı túsedi: sýyq front ótip, termometr baǵanalary tómendeıdi. Túnde shamamen -17-22°C, kúndiz -10-15°C bolady, — dedi sınoptık.

Qostanaıda qańtardyń ortasha aılyq temperatýrasy -14,9°S, sońǵy bes kúnde bul kórsetkish 2,8°S nólden tómen boldy.

2007 jyly qańtar aıy da jyly boldy, ol kezde ortasha aılyq temperatýra 6 gradýstan sál joǵary boldy.

Eske salsaq, buǵan deıin Jer sharynyń basym bóliginde aýa temperatýrasy 3 gradýs Tselsııge kóteriletinin habarlaǵanbyz.