Qostanaıda kámeletke tolmaǵan stýdentke izdeý jarııalandy
QOSTANAI. KAZINFORM — Qostanaı qalasynda polıtsııa 2008 jyly týǵan kámeletke tolmaǵan stýdentti izdestirip jatyr. Onyń joǵalǵany týraly polıtsııaǵa týysy habarlaǵan, qazir keń kólemdi izdestirý sharalary júrgizilip jatyr.
Qazirgi tańda polıtsııa qyzmetkerleri men eriktiler izdestirý jumystaryn júrgizýde. Jasóspirimniń múmkin júrip ótken marshrýttary anyqtalyp, tanystary men kýálar suraqqa alynǵan. Beınebaqylaý kameralarynyń jazbalary tekserilip, bolýy múmkin degen oryndardyń bári tekserilip jatyr.
Polıtsııanyń málimeti boıynsha, izdestirilip jatqan stýdenttiń uıaly telefony habarlasý sátinde qosýly bolǵan, bul aqparat operatıvtik izdestirý sharalarynda paıdalanylady.
Erekshe atap ótilgeni, jasóspirim buryn úıinen shyqpaǵan jáne profılaktıkalyq esepte turǵan joq.
Polıtsııa turǵyndarǵa úndeý jasap, kámeletke tolmaǵannyń qaıda ekeni týraly qandaı da bir aqparat bolsa, dereý «102» telefonyna habarlaýdy nemese jaqyn jerdegi polıtsııa bólimine barýdy surap otyr.
Eske salsaq, buǵan deıin Abaı oblysynda iz-túzsiz joǵalǵan bala qudyqtan tabylǵan bolatyn.