Qostanaıda kámeletke tolmaǵan qyz balaǵa tıisken er adam 10 táýlikke qamaýǵa alyndy
QOSTANAI. QazAqparat - Qostanaı oblysynyń turǵyny oblys ortalyǵyndaǵy baǵdarlyq avtobýstardyń birinde kámeletke tolmaǵan qyzǵa tıiskeni úshin qamaýǵa alyndy, dep habarlaıdy QazAqparat tilshisi.
«2023 jyldyń 19 mamyrynda azamat ıA. №18 baǵyttaǵy avtobýsta kele jatyp, kámeletke tolmaǵan 2008 jyly týǵan L.-ǵa tıisip, balaǵat sózder aıtyp, qoǵamdyq tártipti buzǵan. Qostanaı qalasynyń ákimshilik quqyqbuzýshylyqtar jónindegi mamandandyrylǵan sotynyń 2023 jylǵy 22 mamyrdaǵy qaýlysymen ıA. QR ÁQBtK 434-babynyń 1-bóligimen ákimshilik jaýapkershilikke tartylyp, 10 kúndik merzimge qamaqqa alyndy», - dep habarlady Qostanaı oblystyq sotynan.
Qaýly zańdy kúshine engen joq. Buǵan deıin qala jurtshylyǵyna osyndaı fakti bar vıdeo taraǵan bolatyn.
