Qostanaıda kámeletke tolmaǵan kórshisin zorlaǵan er adam sottaldy
QOSTANAI. QazAqparat - Qostanaı oblysynyń 33 jastaǵy turǵynyna úkim oqyldy. Oǵan Qarabalyq aýdanynda turatyn kámeletke tolmaǵan qyzben birneshe ret jaqyndasqany úshin aıyp taǵyldy, dep habarlaıdy QazAqparat tilshisi.
Іs materıaldaryna qaraǵanda, birinshi oqıǵa 2017 jyldyń tamyz aıynda Qarabalyq aýdanynyń Boskól aýylynda bolǵan. Mas kúıdegi er adam 15 jastaǵy kórshi qyzdy kóshede zorlaǵan. Sodan keıin olardyń arasynda qarym-qatynas ornaǵan.
2018 jyldyń aqpanynda qyzdyń anasy onyń tolysa bastaǵanyn ańǵaryp qalǵan. Kóńili kúpti bolǵan shesheniń kúdigin test rastaıdy - qyzy júkti eken. Qazir jas qyzdyń ózi de ana atanyp otyr.
Sottyń sheshimimen er adam QR QK 120-babynyń 3-bóliginiń 3-tarmaǵy, 122-babynyń 3-tarmaǵy boıynsha sottalyp, 11,5 jylǵa bas bostandyǵynan aıyryldy. Ol jazasyn qylmystyq-atqarý júıesiniń qaýipsizdigi barynsha kúsheıtilgen mekemelerinde óteıtin bolady.
