Qostanaıda KamAZ kóliginen er adamnyń denesi tabyldy
QOSTANAI. QazAqparat - Taran aýdanyndaǵy tasjolda kólik ishinen er adamnyń múrdesi tabyldy, dep habarlaıdy QazAqparat oblystyq ІІD baspasóz qyzmetine silteme jasap.
Oqıǵa Taran aýdanynyń Jambaskól aýylynan 12 shaqyrym jerde bolǵan.
«Jol ústinde turǵan KamAZ kóliginen er adamnyń denesi tabyldy. Taran aýdandyq ІІB QR QK 99-baby («Kisi óltirý») boıynsha sotqa deıingi tergep-tekserý sharalaryn bastap ketti», - deıdi oblystyq ІІD baspasóz hatshysy Irına Bejenar.
Qazirgi ýaqytta polıtseıler oqıǵa tóńiregin zerttep, kisi óliminiń sebebin anyqtaý maqsatynda qajetti sharalardy júrgizip jatyr.
