Qostanaıda qalyń qar: 400 avtokólik jolda qalyp qoıdy
QOSTANAI. QazAqparat - Aýa raıynyń kúrt qubylýyna baılanysty «Almaty-Ekaterınbýrg» tasjolynda 400-deı kólik kepteliste qaldy, dep habarlaıdy QazAqparat oblystyq TJD baspasóz qyzmetine silteme jasap.
«9 naýryzda boran saldarynan Aısary aýylynyń mańyndaǵy tasjoldy qalyń qar basty. Barlyǵy 400-deı avtokólik jol keptelisinde turyp qaldy. Joldy qardan tazalaý jumystary aıaqtalǵansha qutqarýshylar keptelis ornynda bolyp, kólik júrgizýshileri men jolaýshylardyń jaǵdaıyn baqylaýda ustap otyrdy. Sebebi kólikterd áıelder men balalar kóp boldy», - delingen vedomstvonyń aqparatynda.
TJD qyzmetkerleri Maıalap aýyly janynda qar qursaýynda qalǵan kólikti shyǵardy. Kóliktegi 5 adam Qostanaı qalasynda jetkizildi.
