Qostanaıda qalam saýyty úshin saýda ortalyǵynan adamdardy evakýatsııalady
ASTANA. QazAqparat - Búgin tańerteń Qostanaıdaǵy «Emshan» saýda úıinen adamdardy evakýatsııalady, dep habarlady alau.kz.
Qostanaı oblysy ІІD bul aqparatty rastady. Anyqtalǵandaı, ǵımarattan qorap tabyldy. Kúdik týdyrǵan sol zat bolatyn. Bul týraly birden polıtsııaǵa habarlandy. alau.kz tilshileri pikir alý úshin oblystyń ІІD baspasóz qyzmetine júgindi.
«5 sáýirde saǵat 10.04-te ІІB Abaı kóshesi, 34-te «Emshan» saýda úıiniń kireberisinde bógde zat jatqany týraly habarlama tústi. Qorap temeki qorabynan sál úlkendeý, qara tústi. Orynǵa dereý jedel top, múddeli qyzmetter, saperler jetti. Aýdan qorshaýǵa alyndy», - dep habarlady baspasóz qyzmetinen.
Jarylǵysh zat tabylmady, bógde zat oqý quraly - qalamsaýyt bolyp shyqty.
