Qostanaıda kabelderi urlanǵan sorǵy stansasy jumysyn toqtatty
QOSTANAI. QazAqparat - Qostanaılyq polıtseıler kásiporynǵa iri kólemdegi shyǵyn keltirgen uryny ustady, dep habarlaıdy "Qazaqparat" HAA oblystyq ІІD baspasóz qyzmetine silteme jasaı otyryp.
10 qańtarda Soltústik polıtsııa bólimshesiniń kezekshi bólimine qaladaǵy kásiporyndardyń birinen mys kabelderiniń urlanǵany týraly habar kelip túsedi.
«Jedel izdestirý sharalary barysynda polıtseıler 31 jastaǵy er adamdy ustady. Anyqtalǵandaı, kúdikti buryn atalǵan kásiporynda jumys istegen. Ol kásiporynnyń káriz sorǵy stansasyna kirip, uzyndyǵy 110 metr jáne salmaǵy 500 keli bolatyn mys kabelderin qıyp alyp ketken. Sodan keıin barlyq urlanǵan zattardy tereze arqyly shyǵaryp, óziniń avtokóligine tıegen. Keıin mysty temir qabyldaıtyn oryndarǵa tapsyrǵan», -delingen ІІD baspasóz habarlamasynda.
Osylaısha, kásiporynnyń sorǵy stansasy jospar boıynsha 10 qańtarda iske qosylmaı qaldy. Kúdikti kásiporynǵa 5 mıllıon 900 myń teńge shyǵyn keltirgen.
Qazirgi ýaqytta osy fakt boıynsha QR QK 188-babymen sotqa deıingi tergeý júrgizilýde.
