Qostanaıda iz-túzsiz joǵalyp ketken jigit tabyldy
QOSTANAI. QazAqparat - Іz-túzsiz joǵalyp ketken Qostanaı qalasynyń turǵyny Nıkıta Mılıaev tabyldy, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
«Búgin, 2019 jylǵy 15 aqpanda joǵalyp ketken er adam úıine keldi. Ol osy ýaqytqa deıin tanystarynyń úıinde bolǵan», - delingen vedomstvonyń baspasóz qyzmeti habarlamasynda.
Buǵan deıin habarlaǵanymyzdaı, oblystyq polıtsııa departamentiniń baspasóz qyzmeti Qostanaı qalasynyń turǵyny Nıkıta Mılıaevtiń joǵalyp ketkeni týraly áleýmettik jelilerde jarııalanǵan aqparatty rastady. Ol qaladaǵy úıinen 9 aqpan kúni shyǵyp ketip, sol kúıi habar bolmaǵan edi. Іzdestirý jumystaryna eriktiler de qosylǵan bolatyn.
