Qostanaıda iz-túzsiz joǵalǵan jasóspirim izdestirilýde

QOSTANAI. QazAqparat – Qostanaı oblysynyń polıtsııasy sabaqtan shyǵyp, iz-túzsiz joǵalyp ketken 13 jastaǵy jasóspirimdi izdestirýde, dep habarlaıdy QazAqparat.

«2021 jylǵy 27 qyrkúıek kúni saǵat 11:00 shamasynda Rýstam Tashmaǵambetov sabaqtan shyǵyp, sol kúıi úıine oralmaǵan. Qazirgi kezde polıtseıler jedel-aldyn alý sharalaryn ótkizip jatyr. Oblystyq polıtsııanyń búkil jeke quramy jumyldyrylǵan. Іzdeý jumystaryna eriktiler de qatysyp júr», - dep habarlady polıtsııadan.

Balanyń belgileri: boıy 152 cm, denesi tolyq, shashy qysqa, qara tústi, kózi qoıý qara. Kıgen kıimi: qoıý qyzyl jeıde, kók tústi shalbar, qara qońyr aıaq kıim. Polıtsııa jasóspirimniń júrgen jeri týraly qandaı da bir aqparaty bar adamdardy «102» nómirine habarlasýyn suraıdy.