Qostanaıda iz-túzsiz joǵalǵan áıel óli tabyldy
QOSTANAI. QazAqparat - Qostanaı oblysynda jeke úılerdiń birinen habar-osharsyz ketken 58 jastaǵy Natalıa Gorobetstiń óli denesi tabyldy, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
«6 qańtar kúni saǵat 17:00 shamasynda bos qalǵan jeke turǵyn úı sektorynyń aýlasynan 58 jastaǵy áıeldiń máıiti tabyldy. Kisi óliminiń naqty sebepterin anyqtaý úshin saraptama jasalady», - dedi oblystyq PD baspasóz hatshysy Irına Bejenar.
Belgili bolǵandaı, áıeldiń óli denesin jergilikti turǵyn kórip, «102» nómirine habarlaǵan.
Eske salsaq, Fedorov aýdanynyń Fedorov selosynda turatyn Natalıa Vladımırovna Gorobetstiń 24 jeltoqsan kúni tańǵy 08:00 shamasynda úıinen shyǵyp, habarsyz ketkeni týraly buǵan deıin habarlaǵan bolatynbyz.
