Qostanaıda ıt qapqan 13 adamnan qutyrý dıagnozy anyqtaldy
QOSTANAI.KAZINFORM - Qostanaı oblysynda ıt qaýyp alǵandardyń deni balalar men jasóspirimder. Bul týraly Kazinform tilshisi habarlaıdy.
Oblystyq SES departamenti 1700-den astam ıt qaýyp alý jaǵdaıy tirkelgenin málimdedi. Onyń 879-y qańǵybas ıtter. Sondaı-aq, oblystyń 710 turǵyny mysyqtan, 8-i jylqydan, 11-i iri qaradan, 108-i jabaıy janýarlardan zardap shekti.
Zardap shekkenderdiń 1096-sy jedel járdemge qaýipti jaǵdaıda (bas, bet, moıyn, saýsaqtar men qoldar) júgingen.
It qapqan 13 adamnan qutyrý dıagnozy anyqtaldy. Zardap shekkenderge qutyrmaǵa qarsy ekpemen shuǵyl medıtsınalyq kómek kórsetildi.
Qostanaı oblysynda qutyrma aýrýy sońǵy ret 2015 jyly tirkelgen. Buǵan deıin Qostanaıda qańǵybas ıtterdi aýlaý jáne zararsyzdandyrý baǵdarlamasy qaıta qolǵa alynǵany aıtylǵan.