Qostanaıda iri kólemde qarajat jymqyrǵan aýrýhana qyzmetkerleri qamaýǵa alyndy
QOSTANAI. QazAqparat - Uzynkól aýdandyq ortalyq aýrýhanasynyń bas dárigeri men esepshileri memleket qarjysyn jymqyrǵany úshin sottaldy, dep habarlaıdy QazAqparat tilshisi oblystyq sottyń baspasóz qyzmetine silteme jasap.
Іs materıaldaryna súıensek, 2013-2016 jyldar aralyǵynda Uzynkól aýdandyq ortalyq aýrýhanasynyń bas dárigeri K.Erjanova, bas esepshi Á.Jaqantaeva jáne esepshi-kassır L.Dabaeva kassada qolma-qol aqshanyń baryn bilip, ony aýrýhana jarǵysynan tys maqsatttarǵa jumsaǵan.
«Olar tıisti qujattardy jasamaı, zańdy aınalyp ótip, asa iri mólsherdegi qarajatty ózderiniń qajettilikterine jumsaǵan. Memleketke keltirilgen shyǵyn kólemi 9 660 808 teńgeni qurady. Atalǵan eks-qyzmetkerlerge qatysty QR QK 176 baby, 4 tarmaǵy boıynsha qylmystyq is qozǵaldy. Sot talqylaýy barysynda úsheýi de taǵylǵan aıypty joqqa shyǵardy», - dep málimdedi oblystyq sottyń baspasóz hatshysy Indıra Qusaıynova.
Uzynkól aýdandyq sotynyń úkimimen aıyptalýshylar kináli dep tanyldy. Olarǵa 7 jylǵa bas bostandyǵynan aıyrý týraly jaza taǵaıyndaldy.
Úkim zańdy kúshine engen joq.
