Qostanaıda ІІB ǵımaratyna oq atqan adam sottaldy
QOSTANAI. QazAqparat - Meńdiqara aýdandyq ІІB ǵımaratyna oq atqan adam 10 jylǵa sottaldy, dep habarlaıdy QazAqparat oblystyq sottyń baspasóz qyzmetine silteme jasap.
Buǵan deıin habarlaǵanymyzdaı, 2018 jyldyń qazan aıynda belgisiz bireýler Mendiqara ishki ister bólimine kelip kezekshi tergeýshi kabınetiniń terezesine eki ret qarýmen oq atqan.
Keıin oblystyq polıtsııa departamenti krımınaldy polıtsııa basqarmasy bastyǵynyń orynbasary Erlan Rahımov kúdiktiniń ustalǵanyn rastady. inform.kz/en/kostanay-oblysynyn-iib-gimaratyna-ok-atkan-adam-ustaldy_a3429529 Onyń avtokólik júrgizý quqyǵynan aıyrylǵanyna da belgili boldy.
«Qostanaı oblysynyń qylmystyq ister jónindegi mamandandyrylǵan aýdanaralyq sotynyń úkimimen azamat «I» QR QK-niń 380-1 baby 1 bóligimen kináli dep tanyldy. 10 jylǵa bas bostandyǵynan aıyrý jazasy taǵaıyndaldy, jazasyn qylmystyq atqarý júıesindegi maksımaldy tártipte óteıdi. Sonymen qatar, sottalýshydan ІІB ǵımaratynyń synǵan terezesi úshin kólemi 82 000 teńge materıaldyq shyǵyn jáne jábirlenýshiler ótem qoryna 30 aılyq kórsetkish kóleminde tólem óndirildi», - delingen oblystyq sottyń baspasóz habarlamasynda.
Qylmys jasalǵan «VAZ 21102» avtokóligi memleket paıdasyna tárkilendi.
Úkim zańdy kúshine engen joq.
