Qostanaıda ıesiz sómke úshin temir jol vokzalyn qorshaýǵa týra keldi
QOSTANAI. QazAqparat - Iesiz sómke Qostanaıdaǵy temir jol vokzalyn qorshaýǵa alýǵa májbúrledi, dep habarlaıdy QazAqparat.
Aqparatty oblystyq PD baspasóz qyzmeti rastady.
«Saǵat 13.37-de oblys turǵynynan vokzal mańyndaǵy dúkenniń janynan qara-kók tústi ıesiz sómkeniń tabylǵany týraly habar kelip tústi. Mamandar tıisti sharalardy júrgizý úshin vokzal aýmaǵyn qorshaýǵa aldy»,- dedi oblystyq PD baspasóz hatshysy Irına Bejenar.
Tekserý nátıjesinde sómkeniń ıesi anyqtaldy. Іshinde jeke tutynýǵa arnalǵan zattar bolǵan.
