Qostanaıda habar-osharsyz ketken stýdentter tabyldy
QOSTANAI. QazAqparat - Qostanaıda iz-tússiz joǵalyp ketken kolledj stýdentteri Nazgúl Sádýaqasova men Veronıka Semegına tabyldy, bul aqparatty Qostanaı oblysy ІІD baspasóz qyzmetinde rastady.
«Qostanaı polıtsııasy qyzmetkerleri jedel izdestirý sharalaryn júrgizgennen keıin 24 jáne 26 qarashada joǵalǵan eki stýdent qyz tabyldy, - delingen baspasóz qyzmetiniń habarlamasynda. - Qazirgi ýaqytta olardy ata-analary úılerine alyp ketti.
Polıtseıler osy ýaqyt ishinde boıjetkender nemen aınalysqanyn anyqtaýda.
Eske salsaq, 18 jastaǵy stýdent qyzdardyń joǵalyp ketkeni jaıly QazAqparat 2 jeltoqsanda habarlaǵan bolatyn.
Qostanaı oblysy ІІD baspasóz hatshysy Elena Kasharınanyń aıtýynsha, týysqandarynyń ótinishimen qyzdarǵa izdeý jarııalandy. Baǵdar eldiń ІІB-larǵa jiberildi. Bul eki qyzdyń joǵalýy arasynda baılanys bary sózsiz, dep sanaıdy quqyq qorǵaý organdarynda. Óıtkeni ekeýi qurby. Alaıda úılerinen ár ýaqytta shyqqan. Sádýaqasova Nazgúl 24 qarashada, Semegına Veronıka Valerevna úsh kún keıin shyqqan.
Boıjetkender aman-saý, olardy Astanada kórgen. Bul týraly týystaryna elorda turǵyndary habarlady. Olar aqparattyq izdeý paraqshasynda kórsetilgen telefonǵa qońyraý shalǵan.
