Qostanaıda gaz quny taǵy da qymbattaıdy
QOSTANAI. QazAqparat - «QazTransGazAımaq» AQ bazasynda gaz tarıfiniń kóterilýine baılanysty qoǵamdyq tyńdaý ótti, dep habarlaıdy «QazAqparat» HAA tilshisi.
Qostanaı oblysynda gaz baǵasy taǵy da qymbattamaq. Kásiporynda ótken jıynda aıtylǵandaı, gaz baǵasynyń artqany jumsalǵan shyǵyndar men kóterme baǵalardyń ósip ketkeninen bolyp otyr.
Aıta keteıik, Qostanaı oblysynda kóterme saýdada gazdy ótkizýdiń shekti baǵasy tekshe metrine 19732 teńgeni quraıdy. Al kúndelikti qoldanystaǵy baǵa - 17938 teńge, ıaǵnı, ósim kóterme baǵanyń 10% nemese 1794 teńgege ulǵaıǵanynan týyndaǵan.
«Taýarlyq gaz qostanaılyq tutynýshylar úshin 15% ósýi múmkin. Biraq, qorytyndy sheshimdi QR Energetıka mınıstrligi jáne tabıǵı monopolııalardy retteý Komıteti qabyldaıdy. Bolashaqta biz jańa gaz sharýashylyǵyn ashamyz, soǵan saı, jańa jumys oryndary da paıda bolady. Gazdandyrý boıynsha túrli jobalar qolǵa alynady. Endi muny halyqqa túsindirý jumystaryn bastaımyz», - dedi «QazTransGazAımaq» AQ ekonomıka jáne tarıf bóliminiń basshysy Álııa Ámirova.
Byltyr QR Energetıka mınıstriniń «Іshki naryqta suıytylǵan munaı gazyn kóterme saýdada ótkizýdiń shekti baǵasyn bekitý týraly» buıryǵy kópshilik talqysyna usynylǵan bolatyn. Soǵan baılanysty turǵyndardy gazben qamtamasyz etý boıynsha jańa tarıf Qostanaıda aǵymdaǵy jyldyń 1 shildesinde engizilýi tıis.
Eske salaıyq, búginde memlekettegi kógildir otynnyń tonnasy salyqty esepke almaǵanda 34 319 teńgeden saýdalanýda. Bul kóterme baǵa jarty jyl kóleminde ózgermegen.
