Qostanaıda gaz ballony jarylyp, kólik órtendi
QOSTANAI.QazAqparat - Zatobol kentindegi úı aýlalarynyń birinde turǵan kólik janyp ketti, dep habarlaıdy QazAqparat tilshisi.
Kólik Olımpııskaıa kóshesindegi aýlalardyń birinde órtengen. Qostanaı oblysy TJD órt sóndirý qyzmeti mamandary qyzyl jalyndy saǵat 16:34-te aýyzdyqtady.
«Órttiń naqty sebebi áli belgisiz. Aldyn ala boljam boıynsha, kólik qozǵaltqyshtaǵy elektr ótkizgishtiń qysqa tuıyqtalýy saldarynan tutanǵan. Sodan soń ishindegi gaz ballony jarylýy múmkin», - dep habarlady oblystyq TJD baspasóz qyzmeti.
Órt aýmaǵy 5 sharshy metrdi quraıdy. Eske salsaq, 30 qyrkúıek kúni «VAZ 21099» avtokóliginiń órtengeni týraly turǵyndar áleýmettik jelilerde taratty.
Zardap shekkender joq.
