Qostanaıda gaz ballony jarylyp, er adam zardap shekti
QOSTANAI. QazAqparat - Qostanaıdaǵy páterlerdiń birinde gaz ballony jaryldy. Páter ıesi ony óz betimen sóndirmek bolyp, denesin qatty kúıik shalǵan. Bul aqparatty Qostanaı oblystyq TJD baspasóz qyzmeti rastap otyr, dep habarlaıdy QazAqparat tilshisi.
«Popovıch kóshesindegi úılerdiń birinde gaz ballony jaryldy. Órt saldarynan úıdegi keıbir jıhazdar janyp ketken. Páter ıesi qutqarýshylar kelgenge deıin órtti sóndirip úlgergen, alaıda 53 jastaǵy azamat ballondy shyǵaram dep ózi kúıip qalǵan», - dedi Tótenshe jaǵdaılar departamentiniń baspasóz qyzmetindegiler.
Er adamnyń moıny, keýdesi, eki qoly kúıip qalǵan. Saldarynan zardap shekken azamat úshinshi dárejeli termııalyq kúıik dıagnozymen Qostanaı qalalyq aýrýhanasyna túsken. Naýqasqa medıtsınalyq kómek kórsetildi, alaıda ol aýrýhanaǵa jatýdan bas tartty.
