Qostanaıda garajda turǵan avtokólik janyp ketti
QOSTANAI. QazAqparat - Qostanaı qalasynda Toyota Surf markaly avtokólik otqa orandy, dep habarlaıdy QazAqparat tilshisi.
Aqparatty oblystyq TJD baspasóz hatshysy Merýert Balǵynova rastady.
«Búgin qaladaǵy Internatsıonalıst-Jaýyngerler kóshesindegi garajdardyń birinde Toyota Surf avtokóligi órtenip ketti. Oqıǵa ornyna TJD órt sóndirý bóliminiń 6 qyzmetkeri jumyldyryldy. Aldyn ala boljam boıynsha, kóliktiń qozǵaltqysh bóligi tutanǵan. Sálden soń jalyn aldyńǵy oń jaq dóńgelegine tıgen», - dedi Balǵynova agenttik tilshisine.
Belgili bolǵandaı, kóliktiń akkýmýlıatory qýattaǵyshqa qosylyp turǵan. Oqys oqıǵanyń naqty sebepteri anyqtalýda. Órt saǵat 09:00 shamasynda sóndirildi. Zardap shekkender joq.
