Qostanaıda fýtzaldan jýrnalıster týrnıri ótti
QOSTANAI. QazAqparat - Qostanaıda shaǵyn fýtboldan belgili jýrnalıst Tursynmámet Buqabaevty eske alýǵa arnalǵan dástúrli týrnır ótti, dep habarlaıdy QazAqparat.
Tar alańdaǵy tilshiler tartysy osymen tórtinshi jyl qatarynan uıymdastyrylyp otyr. Jarysqa oblystyq BAQ ókilderinen bólek, «Turǵyn úı qurylys jınaq banki» oblystyq fılıalynyń, QR ІІM Sh.Qabylbaev atyndaǵy Qostanaı akademııasynyń baspasóz qyzmeti jáne aqynnyń dostary men inileri qatysty. Bas-aıaǵy 10 komanda eki topqa bólinip óner kórsetti.
Úshinshi oryn úshin «Qostanaı tańy» men «Aqynnyń inileri» ujymy kezdesti. Tyńǵylyqty daıyndyqpen kelgen aqyn inileri gazet tilshilerinen basym tústi.
Fınalda «Asabalar» komandasy Qostanaı akademııasynyń baspasóz qyzmetine qarsy oınady. Sońǵy mınýttarda gol soǵyp ketken akademııa quramasy jarys jeńimpazy atandy.
Týrnır jeńimpazdary men úzdik oıynshylarǵa aqshalaı syılyqtar men marapat qaǵazdary tapsyryldy.
Aıta keteıik, dástúrli týrnır kelesi jyly Qostanaı akademııasynda ótedi.
Tursynmámet Buqabaev - 1978 jyly 28-sáýirde qazirgi Almaty oblysy, Kerbulaq aýyly, Qarashoqy aýylynda dúnıege kelgen. A.Baıtursynuly atyndaǵy Qostanaı memlekettik ýnıversıtetin fılologııa mamandyǵy boıynsha aıaqtady. Qalalyq «KN» radıosynda, oblystyq «Qostanaı tańy» gazetinde, «Jas qazaq» jýrnalynda, respýblıkalyq «Aıqyn», «Qazaqstan temirjolshysy» gazetterinde, «Habar» telearnasynyń Qostanaı oblysyndaǵy menshikti tilshisi bolyp qyzmet etti. Halyqaralyq «Shabyt» festıvaliniń júldegeri, Qostanaı oblystyq metsenattar klýby taǵaıyndaǵyn «Shabyt» syılyǵynyń ıegeri.
2010 jyldyń 25 mamyrynda 32 jasynda dúnıe saldy.
