Qostanaıda fıtnes klýbynyń bapkeri turǵyndardan 6 mln teńge jymqyrǵan
QOSTANAI. QazAqparat - Qostanaılyq tártip saqshylary turǵyndardy aldap ketken fıtnes kýbynyń bapkerine izdeý saldy, dep habarlaıdy QazAqparat oblystyq ІІD baspasóz qyzmetine silteme jasap.
Vedomstvoda málim etilgendeı, Qostanaı qalasynyń 5 turǵyny polıtsııaǵa aqsha urlyǵy týraly aryz jazǵan.
«Sparta» fıtnes klýbynyń 23 jastaǵy bapkeri adamdardy aldap soqqan. Fıtnes-bapkerdiń jábirlenýshilerge keltirgen shyǵyn kólemi 5,8 mln teńgeni qurady. Atalǵan fakti boıynsha QR QK «Alaıaqtyq» babymen sotqa deıingi tergeý jumystary bastaldy», - dedi oblystyq ІІD baspasóz hatshysy Irına Bejenar.
Belgili bolǵandaı, ol keıbir kelýshilerden nesıe alyp berýlerin suraǵan. Sonyń esesine bir jyldyq klýb abonementin alyp berýge ýáde etedi. Sodan keıin izim-qaıym joǵalǵan. Telefon qońyraýlaryna jaýap bermegen.
Qostanaılyq tártip saqshylary kúdiktige izdeý saldy.
