Qostanaıda fıtnes-klýbtan shyqqan órt 4 saǵattan soń aýyzdyqtaldy
ASTANA. QazAqparat - Qostanaıdaǵy 2 qabatty «Báıterek» fıtnes-ortalyǵy ǵımaratynan shyqqan órt sóndirildi, dep habarlaıdy QazAqparat QR ІІM Tótenshe jaǵdaılar komıtetiniń baspasóz qyzmetine siltememen.
«19:20-da «Báıterek» fıtnes-ortalyǵy ǵımaratynan shyqqan órt tolyqtaı sóndirildi. Tilsiz jaý 190 sharshy metr aýmaqty sharpyǵan» delingen habarlamada.
Eske sala keteıik, búgin saǵat 15:08-de «Báıterek» fıtnes-klýbynyń ekinshi qabatyndaǵy bı zalynyń 150 sharshy mater aýmaǵyn jalyn sharpyǵany týraly habarlaǵan bolatynbyz. Oqıǵa saldarynan japa shekkender men qurban bolǵandar joq.
Mamandardyń málimetinshe, ǵımarattyń mansarttyq qabaty metalprofılmen qaptalǵan, bul órtti sóndirýdi qıyndatqan. Ol órt kesirinen ysyp ketkendikten, julyp tastaý múmkin bolmaǵan.
