Qostanaıda «Eır Astana» ushaǵy jolaqtan shyǵyp ketti
NUR-SULTAN. QazAqparat - Qostanaı áýejaıynda «Eır Astana» ushaǵy jolaqtan tysqary aýmaqqa shyǵyp ketti. Bul týraly QazAqparat agenttigine «Eır Astana» korporatıvti kommýnıkatsııalar departamentiniń menedjeri Tilek Abrahmanov aıtty.
Nur-Sultan qalasynan Qostanaıǵa reıs jasaǵan Boeing -757 ushaǵy qaladaǵy áýejaıǵa qonǵannan keıin jolaqtan shyǵyp, oń jaqtaǵy shassı bóligi topyraqqa batyp qaldy.
«Ushaq ınjenerler men bólshekterdi jetkizý úshin, sondaı-aq «Qostanaı-Nur-Sultan» baǵdaryndaǵy KS 336 reısinen jolaýshylardy alyp ketýge jiberilgen edi», - dep naqtylady T. Abdrahmanov.
Azamattyq avıatsııa komıtetiniń aqparatyna sáıkes, bul oqıǵa saǵat 18.00-de bolǵan. Oqıǵanyń mán-jaıyn arnaıy komıssııa anyqtaıtyn bolady.
Aıta keteıik, búgin Qostanaı áýejaıynda taǵy bir tótenshe oqıǵa tirkeldi. Ushaq shtattyq tártipte qonǵannan keıin, júrý jolaǵyndaǵy áreketterden keıin perronda Airbus A320 ushaǵynyń sol jaqtaǵy shassıi asfalqa batyp qalǵan. Bul ushaq «Nur-Sultan-Qostanaı» baǵdarynda KS 335 reısin oryndaǵan bolatyn. Jolaýshylardy túsirý sharalary shtattyq rejımde júrgizildi.
