Qostanaıda evakýatsııa kezinde joǵalyp ketken Amanqaraǵaı turǵyny tabylmaı jatyr
QOSTANAI. QazAqparat – «Barys» izdestirý-qutqarý jasaǵynyń eriktileri Amanqaraǵaı aýylyndaǵy orman órti saldarynan halyqty evakýatsııa kezinde er adamnyń joǵalyp ketkeni týraly aqparat taratýda, dep habarlaıdy QazAqparat tilshisi.
Іzdestirilip jatqan Valerıı Golovach 3 qyrkúıekte Amanqaraǵaı aýylynda evakýatsııa kezinde joǵalyp ketti.
«Sońǵy ret keshki jetilerde baılanysqa shyqqan, onyń odan ári qaıda ekeni belgisiz. Belgileri: mańdaıynda tyrtyq bar, qasqa bas. Ústinde kók fýtbolka men sur shalbary bolǵan», - delingen habarlamada.
Buǵan deıin orman órtterinen kóp zardap shekken Amanqaraǵaı aýylynyń turǵyndary ekeni habarlanǵan bolatyn. QR TJM aqparaty boıynsha, kentte 85 úı tolyǵymen janyp ketken.
