Qostanaıda esirtkini jarnamalaıtyn 100-den astam graffıtı joıyldy
ASTANA. KAZINFORM — Qostanaı qalasynda «Zań men tártip» tujyrymdamasyn iske asyrý aıasynda esirtki quqyq buzýshylyqtaryna qarsy is-qımyl basqarmasynyń qyzmetkerleri graffıtı jazbalaryn joıý boıynsha aktsııa uıymdastyrdy, dep habarlaıdy ІІM baspasóz qyzmeti.
— Іs-shara barysynda esirtki zattaryn jáne olardy taratýmen baılanysty ınternet-resýrstardy jarnamalaıtyn 100-den astam zańsyz jazba óshirildi. Aktsııaǵa esirtki quqyq buzýshylyqtarynyń aldyn alý jónindegi keńes músheleri, sondaı-aq joǵary kooperatıvtik kolledjdiń, ındýstrıaldyq jáne avtojol kolledjiniń stýdentteri men eriktileri qatysty, — deıdi tártip saqshylary.
Polıtsııa mundaı profılaktıkalyq is-sharalardy turaqty túrde ótkizip keledi.
Sonymen qatar mektepter, kolledjder jáne joǵary oqý oryndarynyń stýdentterimen júıeli túrde jumys júrgizip, olardyń arasynda «Zań men tártip» qaǵıdattaryn qalyptastyrýǵa erekshe nazar aýdarady.
Osydan buryn byltyr Qostanaıda 214 adam esirtki qylmysy úshin sottalǵanyn jazdyq.