Qostanaıda esirtki taratqan stýdent 11 jylǵa bas bostandyǵynan aıyryldy
ASTANA. KAZINFORM - Qostanaıda sport fakýltetinde oqıtyn stýdent esirtki taratqany úshin 11 jylǵa bas bostandyǵynan aıyryldy, dep habarlaıdy Polisia.kz.
Buǵan deıin polıtsııa oblys ortalyǵynyń túkpir-túkpirinde esirtki taratýmen aınalysqan eki adamdy ustaǵan bolatyn. Olardyń biri dene shynyqtyrý fakýltetiniń 4-shi kýrsynda oqyǵan.
Olardyń jaldamaly páterin tintý kezinde qyzmetkerler 4 keliden astam sıntetıkalyq esirtki – “a-PVP” tárkiledi. Sonymen qatar elektrondy tarazylar, 240 mını-magnıtter, elektr taspasy, folga jáne esirtkini oraýǵa arnalǵan basqa da qurylǵylar tabyldy.
Qara naryqta alynǵan partııanyń quny shamamen 100 mln teńgeni quraıdy. Polıtseıler aınalymǵa 15 myńnan astam dozanyń jiberilýine jol bermedi.
Esirtki zattaryn asa iri mólsherde taratqany úshin sot úkimimen eki kúdiktige de 11 jylǵa bas bostandyǵynan aıyrý jazasy taǵaıyndaldy. Úkim zańdy kúshine endi.
Aıta keteıik, jyl basynan beri Qostanaı oblysy PD esirtki qylmysyna qarsy is-qımyl jónindegi qyzmetkerleri zańsyz aınalymnan 63 keli túrli esirtki zattaryn tárkilegen.
