Qostanaıda esirtki taratty degen kúdikpen polıtsııa qyzmetkeri ustaldy

QOSTANAI. QazAqparat – Qostanaı oblysynda sıntetıkalyq esirtki taratty degen kúdikpen polıtsııa qyzmetkeri ustaldy, dep habarlaıdy QazAqparat Rolisia.kz-ke silteme jasap.

5 mamyrda Qostanaı oblysy boıynsha Ulttyq qaýipsizdik komıtetiniń departamenti men Qostanaı oblysynyń Polıtsııa departamenti Ózindik qaýipsizdik basqarmasynyń qyzmetkerleri birlesken operatsııa ótkizip, Qostanaı qalasynda sıntetıkalyq esirtki taratty degen kúdikpen polıtsııa qyzmetkerin ustady.

Qazir atalǵan derekke qatysty QR Qylmystyq kojeksiniń 297-baby 3-bóligi boıynsha sotqa deıingi tergeý bastaldy. Qalǵan aqparat tergeý múddesine oraı jarııa etilmeıdi», - delingen polıtsııa málimetinde.