Qostanaıda esirtki satatyn apaly-sińili 2 áıel ustaldy
QOSTANAI. QazAqparat - Qostanaı oblysynda tártip saqshylary esirtki zattary men qarý saqtaǵan apaly-sińili 2 áıeldi ustady, dep habarlaıdy QazAqparat tilshisi oblystyq ІІD baspasóz qyzmetine silteme jasap.
Kıevskıı aýylynda 42 jastaǵy kúdikti áıel óz páterinde ustaldy. Tintý kezinde dıvanǵa jasyrylǵan polıetılendi oramadan salmaǵy 1,87 gramm bolatyn geroın tabyldy. Sol kúni esirtki bıznesine qarsy kúres bóliminiń qyzmetkerleri kúdiktiniń 35 jastaǵy sińlisin de qolǵa túsirdi. Saqshylar onyń úıinen jalpy salmaǵy 6 gramm bolatyn geroın tárkiledi. Aıyptalýshylar esirtkini satý maqsatynda saqtaǵanyn aıtqan. Munyń syrtynda, onyń úıinen «IJ-18E» markaly sholaq myltyq tabyldy. Qarýdyń tirkelmegeni anyqtaldy.
Sotqa deıingi tergeý sharalary bastaldy.
