Qostanaıda esin joǵaltqan áıel týystaryn izdeýde
ASTANA. QazAqparat - Qostanaıda esin joǵaltqan jas kelinshek týystaryn izdeýde, dep habarlaıdy "Kostanaıskıe Novostı".
Qostanaı qalalyq aýrýhanasynyń júıke aýrýlar bóliminiń meńgerýshisi Igor Hvannyń aıtýynsha, aqpan aıynyń sońynda áıeldi aýrýhanaǵa polıtseıler jetkizgen. Bir aıdan beri aýrýhanada jatyr. Ol qaıda ekenin jáne kim ekenin bilmeıdi.
«Jasy 30-35 shamasynda. Biz túrli zertteýler júrgizdik. Bas súıek-mı zaqymy baıqalmaıdy, jalpy jaǵdaıy qanaǵattandyrarlyq. Alaıda, ol datany da, jasyn da, atyn da bilmeıdi. Tek óziniń tegin - Mıgler dep aıtty jáne ony Marına dep ataýdy ótindi. Biraq Mıgler shyn tegi ekenin bilmeımiz. Ony áldeqashan aýrýhanadan shyǵarýǵa bolar edi, biraq qaıda?», - deıdi dáriger.
Marınanyń boljaýynsha, ol Ekaterınbýrgte nemese Qostanaıda turady. Qostanaıda onyń egde jastaǵy týysy turýy múmkin.
«Men balalarym bar dep oılaımyn. Biraq eshteńeni esime túsire alar emespin. Ótinemin, kómektesińizdershi. Múmkin, meni tanıtyn bolarsyzdar. Men esime túsire almaımyn, tipti ómir súrýden sharshadym», - deıdi Marına.
Jergilikti ýchaske polıtseıi barlyq derekter bazasyn tekserdi, biraq qazaqstandyq bazada ondaı jan «tirkelmegen». Polıtseıler ony sýretke túsirip aldy, endi izdeý jarııalamaq.
