Qostanaıda er adamdy kólik qaǵyp óltirdi
QOSTANAI. QazAqparat - 36 jastaǵy Qostanaı qalasynyń turǵyny kólik astyna tústi, dep habarlaıdy QazAqparat.
Oqıǵa 10 qazan kúni Qostanaıdaǵy «KSK» shaǵynaýdanynda bolǵan. Jeńil avtokólik 36 jastaǵy jaıaý júrginshi Dmıtrıı Podborskııdi qaǵyp ketken.
«Qatty jyldamdyqpen kele jatqan kólik aǵamdy soǵyp, shamamen 15 metrdeı jerge ushyryp jiberdi. Negizi, ony KamAz kóligi joldan ótkizip jibergen. Al aǵamdy soqqan jeńil kólik júrgizýshisiniń týystarynyń aıtýynsha, ol jumysqa asyǵyp bara jatqan. Jedel járdem qyzmeti aǵama esh kómek bere almady. Aýyr dene jaraqaty saldarynan jedel járdem kóligi ishinde kóz jumdy», - dedi qaza bolǵan er adamnyń inisi Vıktor Kalatık.
Dmıtrıı Podborskııdiń artynda jubaıy men uly qaldy.
Oblystyq ІІD baspasóz qyzmetiniń jetekshisi Irına Bejenar atalǵan aqparatty rastady. Qazirgi ýaqytta QR QK 345-baby, 3-tarmaǵy boıynsha sotqa deıingi tergep-tekserý sharalary júrgizilýde.
