Qostanaıda er adam joǵalyp ketti
QOSTANAI. QazAqparat - Qostanaı qalasynda 35 jastaǵy er adam joǵalyp ketti, dep habarlaıdy QazAqparat tilshisi.
Joǵalyp ketken Erbol Kákimovtiń jubaıy Tatıana Mınenko aıtqandaı, ol 15 aqpan kúni ulyn mektepke aparǵan.
«Joldasym qaladaǵy №4 mektep mańynda joǵalyp ketken. Balany mektepke aparyp, taıaý mańdaǵy jumysyna barýy kerek edi. Biraq, ony áriptesteri de kórmegen. Telefonyn kótermeıdi. 15 aqpan kúni keshke áleýmettik jelige kiripti. Meniń jazǵandaryma jaýap bergen joq. Aramyzda eshqandaı urys-keris bolǵan emes», - deıdi Tatıana Mınenko.
Erbol Kákimov Qostanaı onkologııalyq dıspanserinde reanımatolog, anestezıolog bolyp jumys isteıdi. Joǵalyp ketken kúni ústinde qara kýrtka, kók djıns shalbar bolǵan. Sondaı-aq, ózimen shaǵyn qara sómke alyp júredi.
